Tahika Tahika: Kamande wa Kioi

Ndathiíte kwa mûndû mûgo

Gûíka research ya wíra wao

Vituko na sarakasi iria ndonire ní cia ngoma

Ndakorire gathee kamwe keítaga Chumamoto

Gítí kíría ndonirio njikaríre ndaikaríire nguru (x2)

Ndaikara thí ngíkera ngûenda kûmenya mathína makwa

Kûría maumaga na kíría kígiragia ngíe na mbia

Ningí Wakíoi ngûenda kûmenya na níguo ndí mûthaka

O mûirítu ndathií kûaria nake anduaga o mínyírí (x2)

Tahíka tahíka tahíka tahíka wa riga-í

Nderagûo ndahíke itaríte matahíko moime kû? (x2)

(Tahíka)

Wa mbere nderirwo mbere ya hingírio mathína makwa

Thugumíre mbirika thimwo ndína ciana cigana

Wa kerí ngírûo no nginya nyenjûo mbutu cia maitho merí

Ciambe itarûo nígetha menyûo ngûikara thí míaka íigana (x2)

Nderagûo ndahíke kíahinya nyûngû yakwa ína gutu-í

Ngerwo ndahíke mahûri makwa matirí na network

Ngícoka ngíreherûo ngui ndímírûme mûting’oe

Njikare ngítaraga kinya nginyie maita igana rímwe (x2)

Tahíka tahíka tahíka tahíka wa riga-í

Nderagûo ndahíke itaríte matahíko moime kû? (x2)

Haría tuokire kuhíngícaníra thikíríriai mûigue,

Ní haria nderirwo ndehe nderu cia mbia-í

Ngícoka ngírwo nonginya ndehe rûa rwa kíroboto-í

Na ndikanariganarûo ní njuiri cia iniûrû ría mami

Ago matithekaga kinya híndí íría marahenania

Nowíigue ûkírwo mûrûanyûkûa níwe wakûrogire-í

Mathína makwa ngírûo ndatagararire nyoka ígíciara

Na mûí nyoka irekagia matûmbí no iticiaraga (x2)

Tahíka tahíka tahíka tahíka wa riga-í

Nderagûo ndahíke itaríte matahíko moime kû? (x2)

Tene tene Wakíoi kwa mûndû mûgo nií ndigakinya

Ûdaimono mûtheri na maheni

Shaitani ashindwe

Ngíinûka ndianyítíkaga ní mínoga na ng’aragu-í

Tahíka tahíka kwa mûndû mûgo nota jehanamu (x2)

Tene tene Wakíoi kwa mûndû mûgo nií ndigakinya

Ûdaimono mûtheri na maheni

Shaitani ashindwe

Ngíinûka ndianyitíkaga ní mínoga na ng’aragu-í

Tahíka tahíka kwa mûndû mûgo nota jehanamu (x2)

Tahíka tahíka tahíka tahíka wa riga-í

Nderagûo ndahíke itaríte matahíko moime kû? (x2)