Riũa Nĩtuotete Makibi James

 Wagakunga nĩarathire, riũa nĩtuotire,

Tondũ oigire gũtirĩ rĩaraga na rĩtiotũo,

Nĩniĩ gũĩkĩra mũkonde, riũa nĩmũguota,

Mũaga kũigua rũrũ mũeterere hiti iria ikamũrĩa

Hiti ndĩrĩ yarĩa mũana, mbũgũ ndarũa igũrũ

Cioiga ciana tũĩciarĩire mũaciĩta Mũngĩkĩ,

Ona andũ aitũ rĩgũkeka, mbũgũ icokio kĩnya,

Warigũo gũtirĩ rũru Gĩkũyũ rũagaga njaũ

(Na rũngĩaga harĩ ũgũati,

He hiti ĩrarĩa, kana ngarĩ)

Mwana wa kairĩtu nĩwe nyina wa bũrũri,

Mwana wa ngarĩ nake agĩkunyaga o ta nyina,

Airĩtu ti aingĩ Gĩkũyũ maranyũĩrũo njohi,

Aciari atumia nĩinyũĩ ndagereka na mũrũri,

(Tarai tũirĩtu tũanyu)

Mũauga njogoo ni ngũrũ, mũthĩnjĩrũo mũrĩe,

Mũtĩ ũtegũtemũo ngũĩre ndũgeragio ithanũa,

Mũthuri aikarĩire njũng’wa nĩonaga hanene,

Kũrĩ kĩhĩĩ gĩkĩĩya macungwa kĩ mũtĩ igũrũ

Ciana citũ nĩithomithio ũgĩ wa mabuku,

Ũgĩ ũrĩa wa mũciarĩre ũmaga kũĩ Ngai,

Tũtikanakĩrio nganya nĩ mbarĩ ya njitha,

Wanjambio ira nĩ mwene ĩyo, nyũmba nĩtumei toro

Ona riũa rĩgĩotagũo, mũigue andũ aya,

Mũndũ wothe ũgũĩtũo mũĩthĩ, nĩwe rĩracina,

Arĩkagĩria hawker-inĩ, kana makanga-inĩ,

Na kũu atuĩkĩte thia, arĩaga akĩhũgaga

(Umai umai andũ aitũ njamba citũ, na mũmenye thũmbĩ na nyaga nĩ citũ

Umai umai andũ aitũ njamba citũ, na mũmenye thũmbĩ na nyaga nĩ citũ

Mwene Nyaga ikũrũka na ũtheri waku,

Bũrũri ũrenda atongoria akindĩrĩku,

Mwene Nyaga ikũrũka na ũtheri waku,

Bũrũri ũrenda atongoria akindĩrĩku,

Ĩni, andũ mena ũmenyo

Na athuri marutĩte mbũri ithatũ,

Bũrũri no ũgathiĩ wega Wa Mary

Iko cheza cheza, na Wanarũengo,

Kweli cheza cheza, na Wanarũengo

Kweli ni shamasha, ya Wanarũengo-ĩĩ,

No ũraigua Ng’ang’a wa mami,

Bũrũri ũkũenda atongoria akindĩrĩku

Sikia Wanarũengo hapo hapo)