Bũrũri Horoho John De’ Mathew

Aiyaiyaiya

(Nyũtũ)

Rũgendo rũritũ, rũambagĩrĩria woi na ikinya o rĩmũe

Na kũrĩa tũaumire, tũtingĩcoka tondũ nĩtũemenyire

Tũtingĩcokia kĩara irima rĩa nyoka,

Tuonaga kamũkũa tũgethithimũkũo,

Ona tiga tũrĩ ciana cia rũendo rũa Ngai,

Tũngĩahonokire o arĩa marĩ ũgeni

Bũrũri horoho, kagiro ũrũmũe ũyũ mũkaũricia

Na mũĩhũge mũno, no bunda ĩgĩkua nĩ ĩikagia mateke

Njogoo ĩtũraga, yũragia gũgakĩa rĩ ndũrũme ĩthĩnjũo

Ageni makĩnyiha, mũene iruga akiuga no marĩire ngũkũ

Wendaga tũkoherũo njera ya Guantana Bay

Tũgakora ũmeretie nginya wamurũ

Nĩũndũ wa mahĩtia maku ũgagĩtũigĩrĩra

Tiga tũenda Ngai o nake agĩtũmenya

Bũrũri horoho, kagiro ũrũmũe ũyũ mũkaũricia

Na mũĩhũge mũno, no bunda ĩgĩkua nĩ ĩikagia mateke

(Mwaũra Anthony, Engineer wa Ngoingwa)

Rĩrĩa tũaingĩririo thingira-inĩ ũmũe,

Tũarĩ o ithuerĩ na ngabu

Nĩndamũrorire, ngĩona maitho nĩ makengeria maithori

Ndamũria nĩkĩĩ mũriũ anjokeirie nĩ kũmaka,

Akĩnjĩra kĩmũndũ nĩ gĩatũrĩkĩria

Na angĩkorũo Ngai nĩagatũcokia na mũciĩ

Tũkaruta rũĩmbo rũĩtũo Uhuruto

Bũrũri horoho, kagiro ũrũmũe ũyũ mũkaũricia

Na mũĩhũge mũno, no bunda ĩgĩkua nĩ ĩikagia mateke

(Mũhindi Exhauster, tũĩhũge biũ)

Tũrĩ o thingira-inĩ, tondũ nĩ nyũmba yaiyũire nduma theri

Nĩndathomagĩra ngabu tũmĩhari tũa kĩrĩkanĩro

Tũarĩrĩa Paul na Sila marĩ korokoro

Nĩguo matikanahunjie ũhoro wama

Reri ya kĩrĩu woi ĩgakinya Malava,

Irĩma cia Nyandarua ihe Nairobi maĩ,

Bũrũri horoho, kagiro ũrũmũe ũyũ mũkaũricia

Na mũĩhũge mũno, no bunda ĩgĩkua nĩ ĩikagia mateke

(Big Kim, Studios)

Ũndũ ũrĩa ũngoniĩ, ndĩrerirũo nĩ Gĩtaũ wa Rongai

Wĩra nĩ wĩra, mũrogi akĩroga amenye tuoimire kũ

Na mũkombi wa thirĩ amenye nĩũkĩrĩhagũo

Rĩu karĩma mũtiume gũtirĩ ngũĩ,

Kanitha tũtithiaga tondũ nĩ mũtugo

Nĩtũĩ ahunjia arĩa ma o na a maheni

Bũrũri horoho, kagiro ũrũmũe ũyũ mũkaũricia

Na mũĩhũge mũno, no bunda ĩgĩkua nĩ ĩikagia mateke

Waka waka waka

Karanja wa Ndukũ

Ũmenyage bunda ĩgũkua,

Ĩikagia mateke mahiũ

Aiyaiyaiya

Nangeithĩrio Kũng’ũ wa Mbuthia

China china, china ata ni kwetu

Aiyaiya